給各位喜歡食花生湊熱鬧嘅朋友，
唔知幾時開始護士成為大學生其中一個搶手科目。
不單只大學開班，醫院護士學校又開班，人人唔理EN RN 都狗衝讀左先，女仔撈得，男仔都一樣得。讀完樣靚既大可以去私家醫院選港姐，即係做日日都要 keep住個靚樣對clients provide service嘅護士。
而我，呢啲求求其其是鳩旦，番工最緊要快嘅就緊係打政府工啦。但你咪以為我地好無質素呀，家下公立醫院就係個客俾蔗渣既價錢，食到有燒鵝既味道。
日日開工，見盡人生百態，見盡奇人奇事。
你信又好，唔信都好，真人真事。
有咸有甜有鬼故，連薛可正都問我醫院有無鬼，你就知我啲料幾猛。
你唔知薛可正係邊個？咁你當雷乳羊黎問我啦。
想入行嘅呀妹要睇啦，睇幾招包你可以溝醫生。
想入行嘅細佬要睇啦，睇完包你對姑娘幻想嘅淫念幻滅。
做醫院嘅仲fun fun鐘有共鳴，咁就更加要睇啦屌。
九姑娘敬上
Search